علاج السعال بيختلف علي حسب حالة الطفل لكن في العادة أن السعال بيروح مع نفسه
في خلال ٧ ايام
لكن لو الموضوع استمر اكتر من كدة يبقي لازم تعرضي طفلك علي دكتور لان طول
المدة بيدل علي أن فيه حاجة غريبة ولازم تتعرف
ومينفعش خالص أنك تدي طفلك دوا من نفسك عشان ممكن يعملو اثار جانبيه او يكون
مش هو دة الدوا المناسب ليه
وحاولي في الفترة دي تأكليه كميات مناسبة من الفاكهة والخضار
وكمان الاكلات اللي فيها فيتامين سي مهمة جدا لحالته زي الليمون والبرتقال
والسعال عند الاطفال بيكون مؤرق جدا
لان دة بيحرمهم من النوم ومش بيخلي الطفل ياخد كفايته من النوم وكمان دة بيسبب
في ارهاق الام وسهرها جمب طفلها طول الليل
ومن افضل علاجات سعال الطفل خلال النوم هو ان قبل النوم تعرضي نفس طفلك لحمام
بخار من النعناع
لان حمام بخار النعناع بيعمل علي فتح المسالك التنفسية
وكمان دهن صدر الطفل بالعسل الطبيعي مفيد جدا لحالته
وطبعا علي قد ما تقدري ابعدي طفلك عن أي دخان أو مكان فيه تدخين أو
حد بيدخن