سؤال الست المصريه او الست العربيه عموما هناكل ايه النهارده وغالبا ده بيكون سبب خناقه
كبيره
بتحصل على الصبح والرد الطبيعى المختصر اى حاجه سواء من الاولاد او الاب ميحبوش يفكرو
وهنا الام بتكون مش طايقه نفسها ولا طايقه حد وعندها استعداد تتنازل عن الاكل وتضرب
عن الطعام
فى مقابل انها متسمعش الجمله المستفزه اللى بترمى عليها حمل تقيل جدا وتحس انها مسؤليه
وضغط على اعصابها لانها لو عملت اكل وسفره مليانه لازم يطلع الابن الرخم بكلمه
هو احنا مش لسه اكلينو امبارح هنا بقى لازم تتصرفى وتعملى حاجه سريعه وفى نفس
الوقت مفيده
وكمان ميكونش عليها تعليقات من اى نوع وكمان تكون مضمونه لصحه اولادك وزوجك
وانتى كمان مش اكل من الشارع يعنى ومفيش احلى ولا افيد من الحواوشى وطريقه عمله
سهله
كمان زى مابيقولو كده ناى فى ناى هتجيبى اللحمه من عند الراجل المضمون وتفرميها وتقطعى
بصل قطع صغيره
وبقدونس وتخلطى اللحمه بالبصل والبقدونس وتحطى عليهم بقى بهارات اللحمه اللى عندك
وفلفل اسمر وملح حسب الرغبه وتكونى محضره العجينه مخمراها وتحطى اللحمه المخلوطه
بالمسات السحريه الانثويه فى العجينه بتاعه العيش وتدهنى الصنيه زيت عشان العيش ميلزقش فيها
وتحطى فى الفرن
طريقة عمل الحووشي
الحواوشي علي الطريقة المصرية
طرق عمل الحووشي
